news & activities

ການມາຢ້ຽມຢາມ ແລະ ທັດສະນະສຶກສາ ຢູ່ທີ່ບໍລິສັດ LAOSAT 1 ຂອງຄະນະກຳມະບານຮາກຖານ (ສຂມປຫ - ສມທ)

   ຕອນເຊົ້າຂອງວັນທີ 27 ສິງຫາ 2020 ຄະນະກຳມະບານຮາກຖານສູນຂໍ້ມູນຂ່າວສານ ແລະ ສູນຄົ້ນຄ້ວາແນວຄິດໄກສອນ ພົມວິຫານ (ສຂມປຫ - ສມທ) ໄດ້ມາຢ້ຽມຢາມ ແລະ ທັດສະນະສຶກສາ ຢູ່ທີ່ບໍລິສັດດາວທຽມລາວເອເຊຍ-ປາຊີຟິກ ຈໍາກັດ ຕັ້ງຢູ່ຫຼັກ 14 ຖະໜົນທ່າເດື່ອ, ບ້ານ ນາໄຮ່, ເມືອງ ຫາດຊາຍຟອງ ເພຶ່ອເປັນການຂໍ່ານັບຮັນຕ້ອນກອງປະຊຸມໃຫຍ່ຜູ້ແທນກຳມະບານລາວທັ່ວປະເທດຄັ້ງທີ VIII ແລະ ສະເຫຼີມສະຫຼອງຜົນສຳເລັດຂອງກອງປະຊຸມໃຫຍ່ ຂອງອົງຄະນະພັກ ສມປຊ ຄັ້ງທີ V ໂດຍການຕອນຮັບຂອງ ທ່ານ ສີສັນ ປອງນະທີ ເລຂາໜ່ວຍພັກ ຮອງອຳນວຍການໃຫ່ຍ ບໍລິສັດດາວທຽມລາວ ເອເຊຍ-ປາຊີຟິກ, ເຊິ່ງທ່ານໄດ້ມີການນຳສະເໜີກ່ຽວກັບປະຫວັດຄວາມເປັນມາ, ສະພາບການດຳເນີນທຸລະກິດໃນປະຈຸບັນຂອງບໍລິສັດ ແລະ ໄດ້ມີການພົບປະໂອ້ລົມ, ແລກປ່ຽນບົດຮຽນກ່ຽວກັບສະພາບການວຽກງານ, ການເຄື່ອນໄຫວຂອງໜ່ວຍກຳມະບານຮາກຖານຂອງບໍລິສັດ ແລະ ໜ່ວຍກຳມະບານຮາກຖານສູນຂໍ້ມູນຂ່າວສານ ແລະ ສູນຄົ້ນຄ້ວາແນວຄິດໄກສອນ ພົມວິຫານການເມືອງການປົກຄອງແຫ່ງຊາດ ຫຼັງຈາກນັ້ນທາງບໍລິສັດໄດ້ນຳພາຄະນະດັ່ງກ່າວຢ້ຽມຊົມການປະຕິບັດເຮັດວຽກຕົວຈິງຢູ່ ບໍລິສັດດາວທຽມລາວພາກພື້ນດິນ ເພື່ອຖອດຖອນບົດຮຽນ ແລະ ເບິ່ງການປະຕິບັດງານຕົວຈິງຂອງພະນັກງານວິຊາການເວົ້າລວມສະເພາະແລ້ວກໍ່ຄືຂອງຊະມາຊິກກຳມະບານຮາກຖານຂອງບໍລິສັດ.