news & activities

ກະຊວງ (ຖວທ) ໄດ້ຫັນມານຳໃຊ້ບໍລິການຮັບ-ສົ່ງສັນຍານວິທະຍຸ-ໂທລະພາບ ຜ່ານດາວທຽມລາວ ແຊັດ 1

    ໃນວັນທີ 26 ພຶດສະພາ 2020 ທີ່ນະຄອນຫລວງວຽງຈັນ, ບໍລິສັດ ດາວທຽມລາວ ເອເຊຍ-ປາຊີຟິກ ຈຳກັດ ແລະ ກົມສື່ມວນຊົນ ກະຊວງຖະແຫລງຂ່າວ ວັດທະນະທຳ ແລະ ທ່ອງທ່ຽວ (ຖວທ) ໄດ້ຈັດພິທີເຊັນສັນຍາການບໍລິການຮັບ-ສົ່ງສັນຍານວິທະຍຸ-ໂທລະພາບ ຜ່ານດາວທຽມລາວ ແຊັດ 1 ເພື່ອບໍລິການສົ່ງສັນຍານໂທລະພາບແຫ່ງຊາດ ຊ່ອງ ທຊລ 1 ແລະ ສັນຍານຄື້ນວິທະຍຸກະຈາຍສຽງແຫ່ງຊາດ ລະບົບ AM ແລະ FM, ຕາງໜ້າຜູ້ເຂົ້າຮ່ວມເຊັນສັນຍາໃນຄັ້ງນີ້ ໂດຍ ທ່ານ ປິ່ນປາຖະໜາ ພັນທະມາລີ ຫົວໜ້າກົມສື່ມວນຊົນ ກະຊວງ ຖວທ ແລະ ທ່ານ ຫຽມ ພົມມະຈັນ ປະທານບໍລິຫານ ບໍລິສັດດາວທຽມລາວ ເອເຊຍ-ປາຊີຟິກ, ທ່ານ ຕີ່ງ ຢອງບິງ ອຳນວຍການໃຫຍ່ ບໍລິສັດດາວທຽມລາວ ເອເຊຍ-ປາຊີຟິກ, ໃຫ້ກຽດເຂົ້າຮ່ວມເປັນສັກຂີພິຍານໂດຍ ທ່ານ ກິແກ້ວ ໄຂຄຳພິທູນ ລັດຖະມົນຕີ ກະຊວງ ຖວທ, ທ່ານ ທັນສະໄໝ ກົມມະສິດ ລັດຖະມົນຕີ ກະຊວງ ໄປສະນີ ໂທລະຄົມມະນາຄົມ ແລະ ການສື່ສານ, ທ່ານ ສີສັນ ປອງນາທີ ຮອງອຳນວຍການໃຫ່ຍ ບໍລິສັດດາວທຽມລາວ ເອເຊຍ-ປາຊີຟິກ ແລະ ວິຊາການທີ່ກຽວຂອງທັງສອງຝ່າຍເຂົ້າຮ່ວມ.