news & activities

ພິທີເຊັນສັນຍາ ລະຫວ່າງ ບໍລິສັດດາວທຽມລາວເອເຊຍປາຊີຟິກຈໍາກັດ ແລະ ກົມໃຫຍ່ການເມືອງກອງທັບ ກະຊວງປ້ອງກັນປະເທດ

    ໃນວັນທີ 15 ພຶດສະພາ 2020 ນີ້, ໄດ້ມີການຈັດພິທີເຊັນສັນຍາການບໍລິການຮັບ-ສົ່ງສັນຍານ ໂທລະພາບຜ່ານດາວທຽມ ລະຫວ່າງ ກົມໃຫຍ່ການເມືອງກອງທັບ ກະຊວງປ້ອງກັນປະເທດ ແລະ ບໍລິສັດດາວທຽມລາວເອເຊຍ-ປາຊີຟິກ ຈໍາກັດ ເພື່ອຕອບສະໜອງໃຫ້ວຽກງານການສື່ສານໂທລະຄົມມະນາຄົມ ແລະ ໂທລະພາບ, ວິທະຍຸ ໃນຂອບເຂດທົ່ວປະເທດໂດຍສະເພາະກໍ່ເພື່ອແນ່ໃສ່ຮັບໃຊ້ວຽກງານ ປ້ອງກັນຊາດ ແລະ ປ້ອງກັນຄວາມສະຫງົບ ໂດຍການເຂົ້າຮ່ວມຂອງ ທ່ານ ພົນເອກ ຈັນສະໝອນ ຈັນຍາລາດ ກໍາມະການກົມການເມືອງສູນກາງພັກ, ລັດຖະມົນຕີກະຊວງປ້ອງກັນປະເທດ, ມີ ທ່ານ ດຣ ທັນສະໄຫມ ກົມມະສິດ ລັດຖະມົນຕີ ກະຊວງໂທລະຄົມມະນາຄົມ ແລະ ການສື່ສານ, ທ່ານ ສະຫັວນຄອນ ຣາຊະມົນຕີ ຮອງລັດຖະມົນຕີ ກະຊວງຖະແຫລງຂ່າວ ວັດທະນະທຳ ແລະ ທ່ອງທ່ຽວ, ທ່ານ ຫຽມ ພົມມະຈັນ ປະທານບໍລິຫານ ບໍລິສັດດາວທຽມລາວ ເອເຊຍ-ປາຊີຟິກ, ທ່ານ ຕີ່ງ ຢອງບິງ ອຳນວຍການໃຫຍ່ ບໍລິສັດດາວທຽມລາວ ເອເຊຍ-ປາຊີຟິກ, ມີຄະນະນຳກົມໃຫຍ່ການເມືອງກອງທັບ, ພ້ອມດ້ວຍຄະນະກົມ, ຫ້ອງການ, ກອງ ແລະ ພະນັກງານທີ່ກ່ຽວຂອງເຂົ້າຮ່ວມ.