news & activities

ບໍລິສັດ ດາວທຽມລາວ ອຸປະຖຳເງິນຈຳນວນ 158,440,000 ກີບ ຮັບໃຊ້ກອງປະຊຸມ ລັດຖະມົນຕີ ICT ອາຊຽນ ຄັ້ງທີ່ 19

       ບໍລິສັດ ດາວທຽມລາວ ເອເຊຍ-ປາຊີຟິກ ຈຳກັດ ໄດ້ມີສ່ວນປະກອບຊ່ວຍເຫຼືອເງິນອຸປະຖຳຈຳນວນ 158,440,000 ກີບ (ໜຶ່ງຮ້ອຍຫ້າສິບແປດລ້ານສີ່ແສນສີ່ສິບພັນກີບ) ເພື່ອຮັບໃຊ້ກອງປະຊຸມ ລັດຖະມົນຕີ ICT ອາຊຽນ ຄັ້ງທີ່ 19 ແລະ ກອງປະຊຸມ ເຈົ້າໜ້າທີ່ອາວຸໂສໂທລະຄົມ ອາຊຽນຄັ້ງທີ່ 20 ແລະ ກອງປະຊຸມປີ່ນອ້ອມ ແຕ່ວັນທີ 21-25/10/2019 ທີ່ ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ ໄດ້ເປັນປະທານຮອບວຽນ ຈັດຂື້ນຢູ່ທີ່ໂຮງແຮມແລນມາກ, ນະຄອນຫຼວງວຽງຈັນ.

       ພິ­ທີມອບ-ຮັບ ການອຸ­ປະ­ຖຳເງິນ­ໄດ້ຈັດຂຶ້ນວັນທີ 23 ສິງຫາ 2019 ທີ່ ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ , ກ່າວມອບໂດຍ ທ່ານ ສີສັນ ປອງນະທີ ແລະ ທ່ານ ຄໍາຕັນ ພົມມະຈັນ ຮອງອໍານວຍການ ບໍລິສັດ ດາວທຽມລາວ ເອເຊຍ-ປາຊີຟິກ ຈຳກັດ ແລະ ກ່າວຮັບໂດຍ ທ່ານ ສຸດໃຈ ພິມມະສີ ຮອງຫົວໜ້າ ກົມການເງິນ, ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ ພ້ອມດ້ວຍຄະນະເຂົ້າຮ່ວມ.